بتلوميني
______________
بتلومينى ليه ياعينى
ماتلومينى
أيوة أنا اللي عشقت حسنك
وانا اللى أهديتك سنيني
وإنتى ضيعتى المحبه
ونسيتينى
أيوة سبتينى أتوة
وسط الصبايا والبنات
اللي تغمز
واللي تهمس
واللي عاوزة لقلبي تلمس
واللى بتقدم عطايا وتضحيات
واللى لما عيونها ترمش
ببقى شايفك
وف ثبات
النبض يصرخ
فينك إنتي وفين معاكي
الأمنيات ؟
بتلومينى إزاى لبعدي
واناكنت بنتظرك ساعات
بتلومينى وكل حبك
ليا كان أخرة الالام
لما أقول مشتاق لحضنك
ولا نفسي أحس بيكي
تبقي أنتى يا عينى . . أوووف
مش بحب دة الكلام
وأما أقولك قلبي عاشقك
حتى لما أضحك معاكى
بكلمه فيها من مشاعري
يبقى ردك . . آه . . وشكرا
طب سلام
الغريب إنك تغيبي وترجعى
عوزانى اكون فى الانتظار
فاكرة لما الحب يبقى بالتجاهل
هبقى انا مولع ونار
سهل اجيبلك واحدة تانيه
زى ما بعتي فى ثانيه
بس لما تعودى ممكن
يبقى فيه حد بحياتى
تبقى عَاَرفه ازاى تحب
وازاى تخلى الف دقه بكل قلب
لا ياطيرى
جربي نار الغرام
زى ما كنت بغير
إنتى غيرى
ما إنتى من كتبت فيها
وقولت شعر
قولت عاشقك
قولت ملكك
قولت وحشانى ونفسي
ابقى واحشك
قولت فيكى كل حاجه
وانتى نايمه
وانتى صاحيه
وانتى حتى كنتى قاعدة
بس دايما كنتي بتقابلي قصايدى
وانتى باردة
والنهاردة
لما حسيتي بضياعي
بتلومينى لا ياعينى
ما تلومينى
راجعى حساباتك
وهاتي م الدفاتر
شوفي كام مرة بكيت
وقولتلك مبقتش قادر
شوفي كام مرة زعلنا
وقولنا نبعد
واحسبي كام مرة فيها
كنتي عادى بتبعينى
دلوقت جايه بتلومينى
لا ياعينى ما تلو مينى
_____________
كتبها تامر النقيب
ليست هناك تعليقات:
إرسال تعليق