حلفت ما تسترنيش
***********
فاكرين لما كنا لمه
جوا طشط بنستحمي
الحياه كانت بسيطه
لا كان في زحمه
ولا كان في زيطه
كل واحد له دولابه
مجرد مسمار ف حيطه
أم العيال كانت حويطه
مطبخها وابور وحله
والأكلة كانت بسيطه
الحياه دلوقت زيطه
النهارده دنيا هيصه
كل حاجة خلطبيطه
***********
شقلبوا حالها وحالنا
عيشونا في الجحيم
وقالونا ها تبقي جنه
يا عم صابر يا عم حنا
بذمتك دي تبقي جنه
خلي بالك من كلامك
كلامك يوجعني سِنَّه
والسِنَّه بتزيد آهاتي
ساعتها راح تبقي لمه
الفضيحة تبقي بجلاجل
لما في الشارع استحمي
**************
استحمي بدمي جايز
استحمي بعرقي جايز
ساعتها ها يبقي جايز
حتي جواز العجايز
*************
كفاية بقي ما تفتحنيش
وباقولك أنا من الآخر
أنا مش عارف اعيش
لا مرتبي م كفي
ولا كمان بقشيش
الغموس بقي حلم
واحلم كمان بالعيش
الجوع جوا بيصرخ
والميه ما بترويش
وهدومي من زهقها
حلفت ما تسترنيش
امل محمود
************
ليست هناك تعليقات:
إرسال تعليق