(تريكة والحصان وعم محلب)
حجزو
فلوسك ياتريكة
دقي يافلول مازيكا
طب ما الحرامية كتير
ماسحنهم ليه باأستيكا
قالك ده تريكة أخوان
صنعولو ياناس تلكيكا
جمهورك مش هايسيبك
ولاتزعل يابو تريكة
حضري ياحكومة الطبخة
أقطعي يافلول الكيكة
هو أحنا بقينا في دولة
ده أحنا بقينا في تلبيكة
ظبط ياحصان الخلطة
رش يامحلب بابريكا
نهبونا رجال أعمالك
وفلوسنا راحت بالجيكا
قتلوها الثورة بثورة
زغرتي يامدام أمريكا
أعلامنا يقول حرية
سبكوها الطبخة سبيكة
#احمد حسين
ليست هناك تعليقات:
إرسال تعليق