بقلم الشاعرالعجوز/ مرقص

النهاردة دايما مظلوم
بين امبارح و بين بكرة

ناس بتعيشه ندم على اللى فات
و ناس بتعيشه اهات
و ناس بتعيشه قلق و خوف
لا ما تتحقش الاحلام
و تضيع الامنيات

الناس
الايام واخداها و طايرة
عايشة ما دارية
النهاردة من امبارح
مشاكلها
سيل على الارض سارح
واخد كل اللى فى وشه
و الواحد من دول
الايام تغشه
و يضيع العمر و لا يدرا

النهاردة
بالنسبة له
مش اكتر من نقطة وصول
يحكيلك عن مشاريعه
و يفضل يقول و يقول
بكرة هاعمل
بكرة هاحقق
بكرة هنول
تسأله
و اللى حققته فرحت بيه
يقولك
قدام الفرحة
و تفضل الدنيا بيه سارحة
و يرحل فجأة

النهاردة يا اصحاب
لحظة غالية
عشان امبارح فات و مش هيعود
و بكرة ما حدش ضامن
يكون فيه موجود

يا شالين الهم و مش قادرين
ربنا عظيم القدرة
رب امبارح و النهاردة و بكرة
الشاعر العجوز