كلامك ياما ي بقلم كلامك ياما ي

الشاعرحسين الديب

10 ديسمبر، 2015كلامك ياما ي

بقلم الشاعر حسين الديب
قصيدة الشاعر
كنت حسين و ضافو لي شاعر
قولت إزاي
ردو و قالو طبعا شاعر
دا حتى كلامك كله مشاعر
و ف خطاباتك و ف لقاءاتك
بتحسسنا إنك موهوب
وكلامك دايما ياما يحرك فينا قلوب
ياما يرطب لينا مسامع
وياما يفتح لينا عيون
اصل كلامك دا موزون

و ف اشعارك و ف كلماتك لما بتشرح يوم في قضية
بتلاقي صوتك هز الكون
و لما بتنقد يوم في مشاكل
بتلاقي نقدك في المضمون

و لما بتحكي يوم في رومانسي
يا عم المنسي
كلامك ياما يبكي عيون
فهمت بقى ياعم الديب
عرفت ليه ضيفنالك شاعر
لان كلامك لينا قريب
مش بنقولك جبر خواطر

إوعى تفكر إنك خايب
لا دانتا بجد شاعر شاطر

بس حذاري في يوم تتهف
و تدخل نفسك وسط مخاطر
وتساوي راسك براس شاعر زمان إياه
لما إتكلم يوم عن يامنه و فاطمة حداه
ولا التاني لما إتكلم يوم عن نانا
وكانت كل الناس سامعاه

إوعى تفكر يوم تتكلم يوم عن مرمر
وتقول للناس إزاي دمها بقى زي السكر
ولا تقول للناس إزاي بتروق دمك
لما يكون دمك متعكر
ولا تقول للناس إن إنتا
حبك ليها اد الدنيا و يمكن اكتر
إوعى تفكر يوم تتكلم يوم عن مرمر

إوعى في يوم تتكلم عنها
ولا تحط إسمها في سطور
وتعمل زي صاحبنا إياه
لما نادى يا رضوى عاشور
لما قالها حملك فيا
مايتقدرش ساعات وشهور
إوعى تفكر ولا تفكر
نافس يلا كل الشعرا
يمكن بكرة تكون مشهور

و سيطك بكرة اكيد هيسمع
وكل الناس لما تشوفك
كل الناس حواليك تتجمع
ولما الناس تتلم عليك
وتقول والنبي سمعنا قصيدة
إبقى إحكيلهم عن احلامك وعن حلم إتحقق
خطاويه بردو لسة بعيدة
و إبقى إحكيلهم قصة واحد إسمه حسين
فجأة الناس قالوله يا شاعر
رد عليهم بس إزاي و إمتى و فين
هوا كلامكم ليه حقيقة
ولا كلامكم جبر خواطر
شكرا
الشاعر حسين الديب
السبت 12 / 12 / 2015