حبيبتى إنتِ شَدَّانى شعر/محمود العزب

حبيبتى إنتِ شَدَّانى

شعر/محمود العزب
28/1/2016

عِشِقتِك وانتِ عاشقانى
ولاغيرِك فى وجدانى
عشان انتِ اللِّى عاجبانى

وحُبِّك جُوَّه فى قلبى
ومِستوليَّهْ على حُبِّى
وواخده شوووقى وحنانى

ودايب فيك أنا وسهرى
وباسهر لِك أنا ياقمرى
وباعزِف لِك فى أشجانى

وانا عاشقِك كده بروحى
ولمَّا بعِشقى بِتبوحى
بالاقى روحى من تانى

وعُمرى فى لحظهْ مانسيتِك
لإنِّى ياعُمرى حَبِّيتِك
وطول العُمر شَدَّانى.