قالت له عبدالستار زيدان

قالت له : على فين يابوسماعين ...
مش هاتروح تجيب الطحّين !!؟

قال لها : سيبيني أريّح ساعتين ،
و ولادك الإتنين ...جمبك قاعدين ،

لا شُغله و لا مشغّله مرتاحين
ضربت على صدرها بالكفّين

يا عيب الشوم .. العيال صغيرين
و الشيل و الحّط مش للجامعيين !!

وقف على السرير .. كالمجانين
و راح يصرخ ف وجهها السمين

برضه خريجي الجامعه مؤدبين
شايفين أبوهم م الغيط .. للطحين !!

بيربوني . بعت لتعيلمهم قيراطين
و اشتغلت عند الناس . بالدين !!!

و ع اللقمه اللي ها ناكلها .. متأنعّرين
اخص فُخص عليك يا بُكره . بالكسلانين !!