وقالوا اوصف.؟
....عايزها ازاي..عيونها يعني غزلاني.
وشعر حرير.*
بياضها يشبه الاشطه..
بسن صغير..*
عايزها ازاي.؟
.."ضحكت وقلت..لأ طبعا..
حبيبتي .حاجه مختلفه..
عيونها براءة الاطفال..وقلب ابيض بلون الخير..
ومش هاحكي عليها كتير..*
عايزها ورده في جنينه..ومش اشكال تكون حمرا ولا خضرا..
كفايا لعطرها تأثير*
واحكيلها وتحكيلي..وابكي ف حضنها ليلي..
وانادي للقمر يشهد..
ونجمه م السما تجيلي..
واصب العشق ف كؤوسنا*واغنيلها تغنيلي..
**
انا نفسي في بنت حلال..تصوني.مش تعاديني..
ولو زعقت فيها ف يوم..الاقي دموعها تشكيلي..
واخدها ف حضني واطبطب..واطلب منها تسامحني.تقول لأه وتتدلع..
وروحها الحلوه تناديني...
******
ودا وصفي ودا طلبي..وعايز منها تدعيلي..
.............كلماتي.......(وقالوا اوصف)
ليست هناك تعليقات:
إرسال تعليق