حببتني ف الحياة بقلم الشاعر اسر فاروق

حببتني ف الحياة
لما سكنتك عيوني كان بخاطري 
لما دخلتك في قلبي كان بأمري 
لما عايشتك معايا يا حبيبي 
كنت ليا كل حاجة كنت عمري 
مغصبتنيش علي أي شيء
مهدت أنا ليك الطريق
لما حبتني بحقيقي
حبيت تكون ليا رفيق 

وأرتاح علي صدرك وأنام
ونعيش سوا أجمل غرام
وحياتنا تبقي مش عادية
ونقول كلام غير الكلام
والدنيا تبقي ملكنا
ونعيشها بس إنت وأنا
وسط الطيور وسط الشجر
والشمس تبعت نور لنا
خدت عهد من عينيك
ما يشاركني حد فيك
متبصش لحد غيري
عرفتها غيرتي عليك
لقيتها صادقة في إحساستها
أخلصتلي طول حياتها
مابصتش لغيري أبدا
كنت أنا النني لذاتها
حببتني ف الحياة دايما معاك
كنت باعمل أي حاجة تنول رضاك
وصلتني لأعلي درجات السعادة
أطلب إيه م الدنيا تاني غير هواك
السلام عليكم ورحمة الله وبركاته أشكر كل من زار القناة ولو لمدة قصيرة وأتمني زيارتها دائما لأن كل يوم تقريبا هناك جديد ونظرا للاقبال الكبير أتمني الزيادة المستمرة وأتمني أن أسعدكم دائما وكله يشير القناة عشان نوصل لمليون مشاهد بنفسكم أصدقائي الاحباء مع تحياتي شاعر الوطن آسر فاروق طرباي https://www.youtube.com/channel/UC-hZHh_WkLoIe4WCqJSf3eg
في حب مصر تحيا مصر تحيا مصر تحيا مصر
الجديد الان أغنية يا موج البحر أتمني تعجبكم
https://www.youtube.com/watch?v=Vtvu9tk8e4o