(استحاله)
وتاه العقل م الحيره
وداب القلب م الغيره
لما قالولي حسادك
شافوا حد يشبهلك
علي جزيره في وسط البحر
عايشه ف قصرمن فضه
وبإشاره بتدي الامر
رموشها سهام مسنونه
تعدي جبال تشق الصخر
ما بين الرمش والتاني
يادوب نمشي مسيرة شهر
عيونها كالسما الصافيه
وبيزينها جبين البدر
لون الشمس في شعورها
وخدودها لهيب الجمر
ولو ضحكت شفايفها
يكون حظ السكارى خمر
ولو مالت كدا مره
يهل النور بريحة عطر
سمعت وصف حسادك
عقلي ارتاح من الحيره
لقيت نفسي علي بابك
وقلبي تاب عن الغيره
عشان وصفهم ابدا
ولا يمكن يضاهيكي
لا رموشك ولا خدودك
ولا جبينك ولا عنيكي
صورتك جوه في قلبي
ما ليها زي
لا في الماضي ولا الحاضر
ولا اللي جي
**************************
محمود ناصر
ليست هناك تعليقات:
إرسال تعليق