♥ دقه قديمه بقلم ♥ سعيد عبد القادر السيد

الخميس : 27/8/2015 
الساعه : 7،25 صباح

♥ سعيد عبد القادر السيد ♥
شعر
♥ دقه قديمه ♥

بيقولوا عليا اليوم
إنى دقه قديمه
قولوا لى يا أهل القوم
جاوبونى يا فهيمه
طول عمرى شلت هموم
سنين و ليالى طويله
جايين تذيدو اليوم
جراح لجراحى كتيره
بيقولوا عليا اليوم
إنى دقه قديمه
علشان ما بقولشى شاو
و كلام بتوع السيما
ولا بحسبها غناو
و اجامل قلالاة القيمه
امشى مع الماشى
اروح مع الرايجه
اقول مسا التماسى
للناس اللي مش لايقه
بيقولوا عليا اليوم
إنى دقه قديمه
علشان مصلحتك
خلى المركب تمشي
مش هتغير كون
مش راح تبقى عظيمه
العب في المضمون
حتى لو لائيمه
بيقولوا عليا اليوم
إنى دقه قديمه
الناس هى الناس
محسوبه و بالكراس
يا تساير كل الناس
لا إما راح تنداس
كل ما لا يسوى
يدوسك بالمداس
بيقولوا عليا اليوم
إنى دقه قديمه
سمايا كلها غيوم
عامل أبو العريف
اصحى بأه و قوم
و احسن التصريف
كافيه سنين النوم
كفايه بأه يا خفيف
بيقولوا عليا اليوم
إنى دقه قديمه
حقيقه دي بتزعل
سيبك منها خلاص
كل ما يعجبك
البس يعجب ناس
جامل اضحك نافق
حتى بدون إحساس
بيقولوا عليا اليوم
إنى دقه قديمه
ارحمنا يا الله
من أسوة الحياه
بتغير كتير الناس
بالكدب و غش اه
امتى يجي اليوم
الصدق ما ننساه
بيقولوا عليا اليوم
إنى دقه قديمه
قالوا الحقيقه مره
قلت الكدب أمر
لو نسيبه مره
تبقى حياتنا تسر
نعيش عيشه حلوه
و القلب ما ينضر
بيقولوا عليا اليوم
إنى دقه قديمه
يا بخت بات مظلوم
و لا باتشى ظالم
لأن هيجي اليوم
عند رادد مظالم
كله ياخد حقه
أمام رب عالم
بيقولوا عليا اليوم
إنى دقه قديمه

♥♥♥ بقلم
سعيد عبد القادر السيد
شاعر ال ش و ال ش
الشرابيه و الشرقيه