جميل جدًا بقلم محمد أبوالمعاطى

جميل جدًا
.............
جميل جدًا لما تاخد أهلك فى حضنك
و تعطيهم من فضل الله مش فضلك
جميل جدًا لما تلمهم حواليك
و تقعد تسمعلهم بقلبك و عنيك
جميل جدًا لما تحس بالدفا و انت معاهم
لما تشيل الجفا و القسوة اللى منعاهم
جميل جدًا لما تتذكر انك كنت واحد منهم
جميل جدًا لما تتنكر و تلبس زيهم
يا ريس ما يصحش تبعد عنهم
أرجوك امسح دمعهم
مش تبقا انتا و الكلاب عليهم
و انتا الأسد اللى مفروض تحميهم
جميل جدًا لما نبقا بأهلنا أقوياء
لما ننزل درجة من سلم التعالى و الكبرياء
و اقول لبنتى تعالى و اخدها فى حضنى و لو رياء
يمكن اقتل فيها حاجة مش قادرها تقولها م الحياء
جميل جدًا لما تبكى و انتا بتشاهد بأسهم
ساعتها قلبك هينور و تحس انك نفسهم
جميل جدًا لما تبكى و انتا بتشاهد بأسهم
ساعتها قلبك هيدور و تحس انك رأسهم
محمد أبوالمعاطى