الأربعاء، 16 ديسمبر 2015

(يا هجراني) بقلم الشاعر محمود ناصر

(يا هجراني)

حجمّعلك دموع العين
الضملك منهم كردان
يبات راقد علي جيدك
ويزينه في كل مكان
وحغزلّك من الوحده
قماش توبك مع فستان
وحبدرلك وجع قلبي علي فراقك
في كام فدان
عشان يطرح الم بُعدك وهجرانك
100 قنطار من الاحزان
ويوم ما تقيسي فستانك
وزينتك تبقي كردانك
وتتمشي في بستانك
ساعتها تحسي ان انتي
جنيتي كتيييير علي قلبي
وانا قلبي مهوش صوّان
انا قلبي في جوف انسان
وهبلك عمره وحياته
وهبلك كل ما في ذاته
وحالف انه لمماته
يهاديكي بشوق وحنان
**************************************
محمود ناصر
مرسلة بواسطة في
التسميات:

ليست هناك تعليقات:

إرسال تعليق

الاشتراك في: تعليقات الرسالة (Atom)