على رنه وصوت تليفون
بقى تعشق وما تشورنيش
وكأنك ملكت الكون
أنا خايف تكون مخدوع
وتزود عنينا دموع
ما نشوفشى الطريق
ولا سكة رجوع
عن درب الهوى
**************
من سجن الضلوع مليت
وبلهفه وشوق حنيت
لبحور الغرام والحيرة
وفى شاطىء هواه جطيت
من إمتى طلع لك ريش
وبتعشق وما تقوليش
أنا خايف تكون مخدوع
وتزود عنينا دموع
ما نشوفشى الطريق
ولا سكة رجوع
عن درب الهوى
***************
حسيت بالمحبه ف صوته
فى كلامه وطعم سكوته
والضحكه اللى تشفى عليل
وتعيد الشباب من موته
وكأنى فى حلم جميل
مش عاوز ساعاته يفوتوا
ما أنا خايف تكون مخدوع
وتزود عنينا دموع
ما نشوفشى الطريق
ولا سكة رجوع
عن درب الهوى
**************
محمد عبد المنصف
ليست هناك تعليقات:
إرسال تعليق