مهما روحت ومهما جيت
مهما كبرت ولا عليت
مهما تشرق ولا تغرب
تفضل مصرك هى البيت
إبني يامصري وعمر فيها
وقدم ليها إللي يخليها
ست الكل ف كل زمان
وإياك تنسى إللي بيبنيها
حبك ليها وبيعليها
دايما زند أبو الفرسان
عاشت أيام غبرة وصابرة
على إللي هبر من لحمها هبرة
بلطياية ف بحر حيتان
شالت حمل يهد الحيل
داقت المر وشافت الويل
ولا يوم قالت حالي تعبان
دي مصر النيل وغنا المواويل
على ضي البدر ف قلب الليل
أرض الخير أرض النبي يوسف
وقت ما كيل فيها الكيل
وأرض كمان توت عنخ أمون
وهاميس الحلوة عروسة النيل
وإبن البونابرت نابليون
في مقولة شهيرة من الأقاويل
مصر المقبرة للغازيين
وإللي يدوس لها يوم على ديل
مصر بهية وديل جلابيتها
عزيز على كل المصريين
بقلم طارق السيد
ليست هناك تعليقات:
إرسال تعليق