:""النبض وصداه" .د/سمير فوزي عمر

::::""النبض وصداه""::::............بقلم د/سمير فوزي عمر
النبض
******
بغمض عنيا اشوفك
والقلب ليك داعي
افتح عنيا اشوفك
للمجد يابني راعي
تفرح عنيا وادعي
"يارب بارك
يارب راعي"
الصدى
**********
العيون منك مسبلة
والقلب فيك صاحي
وايدكي ليا مقبلة
وململة جراحي
مسبلة ياما العيون
وعنيكي دوًاره
ماطرح ماكون تكون
قلبك كمان حارة
العب....
اسكن .....
انام.......
نبضك ليًا بشارة
النبض
**********
راضية يابني عليك
وربي كمان راضي
والقلب عمران بيك
عمره ماكان فاضي
الصدى
*********
رضاك ياما كفاية
ف الدنيا ليًا حماية
برضاكي انول غفران
خالق كريم رحمن
بعت لخلقه الرسل
وصانا ف القرآن
طاعة لرب الخلق
بالوالدين احسان
وجعل ياما رضاكي
لجنته قربان
النبض
**********
ينعم عليك بالصفا
والفرح فين ماتروح
وزيارة المصطفى
طُهْر وشفا للروح
الصدى
***********
نفسي ازوره معاكي
واحرس انا ضلك
ويكون غطايا دعاكي
وفرشتي حضنك
يهرب سواد الفكر
أدفى بأنفاسك
ارمي هموم العمر
تشفيني لمساتك
ياللي الحنان طبعك
والرحمة ليك عنوان
عالى ف السما قدرك
ياجنة الرحمن
...............................د/سمير فوزي عمر