................
عايشين
في حياه غريبه
بيضيع فيها
القلوب
الي فيها الطيبه
متعرفش
مين كداب
ومين بيقول الحقيقه
الايام تشبه بعضيها
وكل الليالي طويله
علينا
عايشين
وكاننا في التخشيبه
ما بنرحمش الشيبه
ولا الناس الضعيفه
حرام علينا
ولا حرام ع الدنيا
والي عاملاه فينا
عايشين
في حياه غريبه
كلنا فوق شوك مشينا
وما حققناش اغلب امانينا
ورضينا
بالي مقسوم لينا
عايشين
لسه بنحلم بماضينا
الي يمكن كان فيه
حاجه حلوه لينا
اقسم بالله
م الحياه
كلنا عانينا
وشلنا حمل
تقيل علينا
وبينا
وبين نفسنا
بكينا
ودارينا
الحزن
عن عيون
الي بيخافوا علينا
عشان
ما يزعلوش علينا
او نلمح ف عيومهم
دمعه حزينه
عايشين
في حياه غريبه
....................
حياه غريبه
موثقه
علاء زايد
ليست هناك تعليقات:
إرسال تعليق