********
اخاف احلم ببكرة يجيى
غير ما شفتة اتمنيتة
بخاف افرح لا يكون فرحى
سراب اتوهم انى رائيتة
ومن نسمة عليلة اتوجس
تكون بداية العاصفة
ولا فى الظلام اتلمس
طريق للنور يكون كارثة
انخطف حلمى الجميل
والخطاوى ابتدت بميل
انخرس حتى الانين
اذن لبداية ضنين
يوارى ضل كل عايش
وتعدى علية السنين
قاتمة الالوان رماد
هم حاطط بالعباد
رغم دة لسة بنحلم
يملانا الخوف عناد
يمكن اهتدى لطريق
اميز الشيئ الحقيق
لكن وسط الركام
نتخبط فى زحام
للشر كل حيلة
واخدة الجمع لانتقام
جسدهزيل عليل
بيدور عن بديل
حبس الشريان ودمة
رغم الكمد سلسبيل
بقلمى / حاتم صلاح
ليست هناك تعليقات:
إرسال تعليق