صيف وشتا !!!!
كل الستات بتشيل هم الصيف والشتاء علشان تحضير الهدوم لكن أنا عندى المشكلة أكبر من كده .. مشكلتى إن توتى مش قادر يقتنع بلبسى كل ما أطلع الهدوم أول كل موسم يقول لى :انتى تخنتى عاوزة هدوم أوسع .. أحلف على المصحف إنى ماتخنتش .. مش بيصدق وطبعا السنة دى استعديت لمعركة كل شتاء.
توتى : إيه ده الهدوم دى صغرت عليكى أوى .. حبيبى دى أكبر من مقاسى بنمرتين وشارياهم آخر الشتاء اللى فات .. لا لا انا عاوزك تلبسى لبس فضفاض ومش مشكلة الفلوس إن شاء الله تشترى الطقم بألف جنيه .. هو أنا هشترى طقم واحد على الأقل عاوزة 5 أو 6 أطقم علشان الشغل .. وماله هاتى إللى إنتى عاوزاه .. طب يا حبيبى إيدك على 7 آلاف جنيه .. إيه ليه .. لزوم اللبس الشتوى .. هه لا ده كتير أوى ، عموما سبينى أفكر.
يومين ولاقيت توتى جاى ومعه شنطة فيها هدوم عجيبة الشكل إللى بورد وإللى بترتر لزوم السهرات وماقلكمش على ألوانهم كحلى وبنى وزيتى قال يعنى كده يبقى شتوى .. إيه العك ده يا توتى .. عك هه دول هيبقو تحفة عليكى .. نعم ..علىّ؟ وأنا هلبس الحاجات دى .. ايوه طبعا .. انت أكيد بتهزر .. لا والله بتكلم جد .. وجبت الهدوم دى منين .. أختى سهام كتر خيرها فصلتهم لك .. فين .. هى بنفسها أصلها اشترت ماكنة خياطة تخيط عليها بناطيل للعيال فى البيت وعملت لك الحاجات دى بالمرة .. يعنى هى ظهرت عليها أعراض الخياطة دى إمبارح وقالت تجرب فيه .. حسبى الله
وقيست الهدوم وألاقى البلوزة كم ضيق وكم واسع والبنطلون رجل قصيرة ورجل طويلة وطبعا توتى فخور جدا بأخته وبتفصيلها الرائع !
وفى يوم لاقيت سهام جايه تقعد معايه شوية ولابسة طقم شيك أوى ، حلو الطقم ده يا سوسو جايباه منين .. شارياه من محل كبير فى الهرم ب750 جنيه بس .. اههه جميل وليه مش فصلتيه .. هه لا أصلى ماكنتش هعرف أظبطه كده قلت بلاش أعك .. ساعتها الشيطان لعب برأسى _لا لا ماقتلتهاش ولا حاجة مش للدرجة دى _ وقمت عملت لها كركديه ، ووقعت الكوبايه عليها.. أنا أسفة ياسهام ياحبيبتى إيديه وجعانى معلش هغسل لك الطقم حالا .. الكركديه بيبقع يا كوكى يعنى الطقم باظ خلاص و من أول لبسه .. يوووووه معلش ابقى فصلى انتى واحد زيه ولا أقولك خدى طقم من إللى إنتى مفصلاه لى هيبقى تحفه عليكى ولبست الطقم فى دخلة توتى .. ههههههه إيه يا سهام الهبل إللى إنتى لابساه ده .. أخيرا اقتنعت إنه هبل ، إيدك بقى على فلوس أنزل أشترى هدوم محترمة .. اهههه يانى أنا إللى جيبت ده كله لنفسى ، يا خراب محفظتك يا توتىىىىىىىىىىىىىى !!!!!
كل الستات بتشيل هم الصيف والشتاء علشان تحضير الهدوم لكن أنا عندى المشكلة أكبر من كده .. مشكلتى إن توتى مش قادر يقتنع بلبسى كل ما أطلع الهدوم أول كل موسم يقول لى :انتى تخنتى عاوزة هدوم أوسع .. أحلف على المصحف إنى ماتخنتش .. مش بيصدق وطبعا السنة دى استعديت لمعركة كل شتاء.
توتى : إيه ده الهدوم دى صغرت عليكى أوى .. حبيبى دى أكبر من مقاسى بنمرتين وشارياهم آخر الشتاء اللى فات .. لا لا انا عاوزك تلبسى لبس فضفاض ومش مشكلة الفلوس إن شاء الله تشترى الطقم بألف جنيه .. هو أنا هشترى طقم واحد على الأقل عاوزة 5 أو 6 أطقم علشان الشغل .. وماله هاتى إللى إنتى عاوزاه .. طب يا حبيبى إيدك على 7 آلاف جنيه .. إيه ليه .. لزوم اللبس الشتوى .. هه لا ده كتير أوى ، عموما سبينى أفكر.
يومين ولاقيت توتى جاى ومعه شنطة فيها هدوم عجيبة الشكل إللى بورد وإللى بترتر لزوم السهرات وماقلكمش على ألوانهم كحلى وبنى وزيتى قال يعنى كده يبقى شتوى .. إيه العك ده يا توتى .. عك هه دول هيبقو تحفة عليكى .. نعم ..علىّ؟ وأنا هلبس الحاجات دى .. ايوه طبعا .. انت أكيد بتهزر .. لا والله بتكلم جد .. وجبت الهدوم دى منين .. أختى سهام كتر خيرها فصلتهم لك .. فين .. هى بنفسها أصلها اشترت ماكنة خياطة تخيط عليها بناطيل للعيال فى البيت وعملت لك الحاجات دى بالمرة .. يعنى هى ظهرت عليها أعراض الخياطة دى إمبارح وقالت تجرب فيه .. حسبى الله
وقيست الهدوم وألاقى البلوزة كم ضيق وكم واسع والبنطلون رجل قصيرة ورجل طويلة وطبعا توتى فخور جدا بأخته وبتفصيلها الرائع !
وفى يوم لاقيت سهام جايه تقعد معايه شوية ولابسة طقم شيك أوى ، حلو الطقم ده يا سوسو جايباه منين .. شارياه من محل كبير فى الهرم ب750 جنيه بس .. اههه جميل وليه مش فصلتيه .. هه لا أصلى ماكنتش هعرف أظبطه كده قلت بلاش أعك .. ساعتها الشيطان لعب برأسى _لا لا ماقتلتهاش ولا حاجة مش للدرجة دى _ وقمت عملت لها كركديه ، ووقعت الكوبايه عليها.. أنا أسفة ياسهام ياحبيبتى إيديه وجعانى معلش هغسل لك الطقم حالا .. الكركديه بيبقع يا كوكى يعنى الطقم باظ خلاص و من أول لبسه .. يوووووه معلش ابقى فصلى انتى واحد زيه ولا أقولك خدى طقم من إللى إنتى مفصلاه لى هيبقى تحفه عليكى ولبست الطقم فى دخلة توتى .. ههههههه إيه يا سهام الهبل إللى إنتى لابساه ده .. أخيرا اقتنعت إنه هبل ، إيدك بقى على فلوس أنزل أشترى هدوم محترمة .. اهههه يانى أنا إللى جيبت ده كله لنفسى ، يا خراب محفظتك يا توتىىىىىىىىىىىىىى !!!!!
ليست هناك تعليقات:
إرسال تعليق