وانا معاك فرحت من قلبى بقلم محمد أبو المعاطى

ما فرحت من قلبى إلا و انا معاك
ما سرحت من قلبى إلا و انا سمعاك
نسيت أنا مين و بنت مين و أم مين
و افتكرت بس عيونك الحلوين
نسيت كل أمرى و السنين
و افتكرت بس ان عمرى عشرين
و كلمة منك طوحتنى شمال و يمين
و من قبل منها كان واخدنى الحنين
ساعة ما نادتنى بإسمى
روحى راحتلك و جسمى
كات طالعة منك بعمق الحنين
اللى ضارب فى قلبك من سنين
و لقيتك إنسان غير اللى اعرفو
كإنك كتاب و قلبى حرفو
و راح منى الخوف و الرهبة
و اتبدل مكانهم الشوق و الرغبة
و لقيت قلبى و روحى حبين
يقولولك تعالى نروح شبين
و الفرحة ما كانتشى سَيْعانه
ما انت عارف روحى و روحك جعانه
و بلمسة شفايفنا بقت شبعانه
و الكل عرفنا و قلنا ربنا معانا
و نسيت الدنيا كلها و ما نسيتك
و ما حسيت بنفسى إلا و انا ف بيتك
و قلت يا ريتنى من زمان حبيتك
ما حسيت بالأمان إلا فى بيتك
و لاقتنى من غير ما تنادى لبيتك
ما انت عارفنى من غير ما تنادى حبيتك
محمد أبو المعاطى