عزيزي الحظ بقلم الشاعر علاء زايد

عزيزي الحظ
........................
عزيزي الحظ
انت فين ياعم الحاج
من يوم ما اتولدت
ما شوفتكش
وحزين الي
ما يعرفكش

عزيزي الحظ
مخاصمني ليه
يا قليل الاصل
مع اني
ما قابلتكش
لغاية دلوقت
وما اعرفش
سايبني
ليه
قليل البخت
في الدنيا احتارت
اكمني ماليش
ضهر
ولا بخت

عزيزي الحظ
بقا ما وحشتكش
قلبي عليك ما صعبش
وانا ليلي
بقضيه ف الدمع
ومن جرح لجرح
ما بلحقش
ادوق طعم الفرح
الي ليا ما انكتبش

عزيزي الحظ
لو جيتني ف يوم
علي بابي خبط
هتلاقي حالي
ما يرضيش حد
ايامي ع الايد
تتعد
من كتر الهم
الي
متشال ف القلب
عزيزي الحظ
انت فين يا عم الحاج
هستناك بفروغ الصبر
مع اني خلاص
رجلي والقبر
وعايش
ايام فقر

.............

علاء زايد