أمانة ياروحي أمانة
تردلي روحي أمانة
تعالى أوام إلحقني
أنا روحي ياروحي هربانة
عطشانة يانن عنيا
عطشانة ومعاك المية
عطشانة ياواد عطشانة
بل لي ريقي شوية
ليلاتي أسهر وأفكر
يوم لما تجيني ياسكر
تحلو الدنيا ف عيني
وكاس المر يسكر
يابو نظرة عين بتجنن
يابو ضحكة بريئة بتسنن
تعلالي ياواد هنيني
ولا أنا مااستاهل أتهنن
دا كل الدنيا في كفة
وإنت ياعمري في كفة
تعلالي أوام تعلالي
ياواد إنت ياحلو ياخفة
الدنيا دي مش هتساعني
لو كل العالم باعني
وإنت ياروحي شاريني
أغني وأقول إيه يعني
إيه يعني ياواد إيه يعني
إيه يعني يبيعوا إيه يعني
مادام إنت ياواد هتجيني
تهنيني وتدلعني
دلعني ياواد دلعني
وإياك تاني تلوعني
لاتفرط فيا في يوم
ولا يوم تاني تودعني
أنا هفضل مستنية
فرح الأيام الجاية
تجيني ياواد تسقيني
من نبعك حبة مية
بقلم طارق السيد
ليست هناك تعليقات:
إرسال تعليق