في اخر الليل بقلم محمد سالم

في اخر الليل
وانا بسمع اغاني انغام
وافتح الشيش واشوف النيل
واكتب فيكي احلي كلام
واسرح فيكي واصحي علي سهوه
وامسك فنجاني والاقيها بردت القهوه
وانجدع علي ضهري
واكمل تفكيري فيكي
وصورتك الحلوه لخيالي تغري
والاقي كل ما فيا يناديكي
يا مهره حره بنت اصول
وعلمتيني ان للحب اصول
يا ملكه وقلبك قال لقلبي
ادي المفتاح ومسموحلك الدخول
انا يا حبيبتي بجد
كنت احلم بيكي في منامي
شفتك يالي مفيش زيك حد
ولقيت حلمي اتفسر قدامي
اهين واه والتالته عزف الناي
يا روح الروح ودقاتي
يابختي بيكي ويابخت عمري الجاي
يا بلسم كل اوقاتي
لما امسك صورتك يا روحي
مقدرش اغمض عيوني
واحس احساس يخطف روحي
واحس ان روحك وقلبك بيسمعوني
يالي مقدرتش علي وصفك
لما عن جمالك يسألوني
ولما اكلم حد اغلط واقول اسمك
واوصفك ازاي يا نور عيني
وانتي مفيش في جمالك زي
مفيش حاجه عنك تقدر تغنيني
يالي بيستحي من جمالك الضي
يا جمل ورده في البساتين
الورد فيه فل وياسمين
وانتي العلماء عجزو عنك
وهيجيبو لجمالك اسم منين
يا فرضي السادس يا ليله القدر
القمر يذيد جماله وقت اكماله
وانتي دايما كامله وبشوفك بدر
تسلملي عيونك يا اجمل قصه للعشاق
وانا معاكي وايدي في ايدك
مبشبعشي من رقتك وبكون مشتاق
ولو سبتيني اغلط في حجز المترو
بدل ما احجز منيب
الاقيني نزلت في الوراق
يا شاغله البال وشاغله عنيه
لو الحوريات أيه في الجمال
تبقي انتي يا حبيبتي حوريه

قلم . محمد سالم