في صبايا كان قلبي حديد بقلم الشاعر /علاء زايد

في صبايا
كان قلبي حديد

ايام الليل
ما كان ليل
والاماني
عن بالي ما بتغيب
وكنت انام
علي ريش نعام
ومخده حرير

ياما شربت كاسات

في ليالي الكيف
ويا الوزير
وابن الامير
في صبايا
كان قلبي حديد

ياما عكس الريح مشيت
وعمري
ما فكرت ف عمر
ولا ف سنين
كان قلبي حديد
بضرب سيفي
بشويش
لكن ف الصميم
بس الي مكتوب
ع الجبين
لازم تشوفه العين
دار بيا الزمان
في غمضة عين
غدروا الصحاب
وضاعوا الاحباب
وهجروا الديار الخدامين
وبقيت
عايش وحيد
وما ضيعنيش
غير الكيف
من كتر
ما جريت عليه
دلوقتي
مامعاييش
اجيب علبة كبريت
وضاع من ايدي الخير
الي الناس
حسدوني عليه
بستني الفرحه
ما بتجيش
حتي الصحبه
ما بتجيش
والدنيا
غير ع الجرح
ما بتجيش
بقفل بابي
علي احزاني
ما بتسبنيش
لو فاتح شباكي
بتجيلي م الشيش
وما ضيعنيش
غير الكيف
دلوقتي
ما معاييش
اجيب رغيف
عيش
ولا عارف اعيش
ذي العايشين
.........
علاء زايد
من ديواني