حرب برة وحرب جوة
حرب من كل الجهات
والشهامة والمروة
أعتقد الكل مات
والضمير قتلوه معاهم
من زمان من غير تفاهم
وأما جيت أنا اعترض
قالواوالله ما أنت فاهم
قلت مصلحة الوطن
قالوا حضرله الكفن
الحياة مبقتش نافعة
الوطن أصله وثن
قلت لو مات الوطن
هنلاقي فين السكن
هوكل حاجة لينا
من غيره هنبقي عفن
قالوا نهرب من هنا
ونسيبه احنا كلنا
يعني خدنا منه إيه
غير عذابنا ومرنا
قلت مين المستفيد
غير عدونا العنيد
قالوا بس واحنا مالنا
الوطن شيء مش أكيد
قلتلهم هفضل هنا
ولابد تطلع شمسنا
لسه فيه أبطال وشرفا
والضمير ده عندنا
هنحارب كل الفساد
اللي مادد ف البلاد
واللي برة بضربة قاضية
مش هنعمله حداد
الشاعر بالوطن آسرفاروق طرباي
ليست هناك تعليقات:
إرسال تعليق