حد إمتي بقلم صفاء عبد ربه

حد إمتي ؟
*************
وجوه من غير ملامح
فيها الحزن طارح
والهموم متلونه 
السهم فيها جارح
والكل في همه سارح
والألام متزينه
الأنين جوانا نائح
مش م النهارده
الكلام دا من إمبارح
ماأنا من يوم ماوعيت
عليكي يادنيا
وإنتِ للفرح خاينه
وعمر ماكانلك أمان
ركبنا فيكي الموجه
وماوصلنا لبرأمان
عماله تأرجحي فينا
وماشوفنا يوم إستقرار
من يوم ما وعينا عليكي
وانتِ مكفيانا
حُزن وهم وأسيا
والظلم فيكي ياما
لحد إمتي يادنيا ؟
هاتفضلي تخدعي فينا
نصبر حالنا ببكره تفرحينا
يوم عن يوم تدوسي علينا
خيبتي فينا الأمل
لما حان الأجل
والايمان تخنقيه فينا
ليه يادنيا وإيه العمل
لأجل ماترضي علينا
ياهموم الدنيا زولي
وماتشمتي فيا عزولي

صفاء عبد ربه