..............................
إفتحي ع الفيس حسابي
شوفي كام حرف أتكتب
كله من فضلك كلامي
وانتي ياحبيبتي السبب
كل حرف من حروفي
ليكي صوره ساكنه فيه
ولما كان بياخدني شوقي
كنت بكتبلك عليه
سرحت يا ما بالساعات
وكتبت عنك ذكريات
ولسه عندي كتير حاجات
هفضل أسجلها عشانك
لحد لما يقولوا ماااات
متزعليش من قسوتي
في بعض الكلام
ومتزعليش من نظرتي
وقت الخصام
يعني أكتم جوه مني
مش حرام
فاكره طبعي لما بزعل
ديما أكتم وأعمل أهبل
بس مهما زعلت منك
كل مره بشوفك أجمل
حتى إسألي كل الحروف
كنتي عيني لما بتكلم وأشوف
في كل لحظه وكل ثانيه
حتى لما يصيبني خوف
كنت بهرب فيكي ليكي
كنت بتكلم معاكي كتير عليكي
حرفي نفسه كان هينطق ويناديكي
أنا ملكك إنتي وبين إديكي
............لما أموت..............
هتلاقي وسط كلامي صوت
أصلي ساكن فيه بروحي
وروحي رافضه فيه السكوت
..........لما أموت.............
عصام دويدار
ليست هناك تعليقات:
إرسال تعليق