عطشان ياصبايا بقلم الشاعر طارق السيد

عطشان ياصبايا
عطشان ياصبايا دلوني على السبيل
عطشان وغلبت أنادي
فى الوادي وفى البوادي
راح ذادي مع ذوادي
وفضلت لوحدي عليل
عطشان ياصبايا دلوني على السبيل
ياصبايا رُدوا عليا
وبلوا فى ريقي شوية
مبقاش كده غيركم ليا
تدلوني على السبيل
عطشان ياصبايا دلوني على السبيل
جاوبوني ورًدوا عليا
واستعذبوا دمع عنيا
مش داريين ليه بما بيا
وصفولي الدمع بديل
عطشان ياصبايا دلوني على السبيل
قلت اشرب من عيني
دموع يمكن ترويني
حلفت دمعتي ماتجيني
إلا ما أزحف ميت ميل
عطشان ياصبايا دلوني على السبيل
قالوا ياعطشان غالبك
الشوق المالي فى قلبك
يامسكين ماشي في دربك
دربك مافوهش سبيل
عطشان ياصبايا دلوني على السبيل
أنا كنت السقا زمان
أروي بإيدي العطشان
أصبحت أنا الغلبان
بحلم بالسلسبيل
بقلم طارق السيد