عمي الاستاذ بقلم الشاعر طه إبراهيم

عمي الاستاذ

********

وبقاله زمان
فاتح دكان
من غير عنوان
غلبان غلبان
علي اد الحال
اصغر بقال
والرزق حلال
وتمر سنين
و القلب حزين
واقف تمثال
عامل شغال
وكلام الناس
زي الوسواس
بيهد اساس
مش لائي سؤال
والناس بتموت
والقطر يفوت
وخناقه تقوم
علي حبة مال
وكلام يتقال
زلزال زلزال
والدنيا صراع
انسان طماع
مش راضي حلال
بيلف يمين
ويلف شمال
عايز خزان
مليان مرجان
من أي مكان
وفلوس تنشال
ف الصحرا جبال
عايش تعبان
ويموت عريان
ويفوت الناس
ويفوت المال
يدخل مقهور
من أي قبور
و يفوت النور
يستني سؤال
خايف يتهان
مش لائي لسان
ويمر زمان
مش لائي المال
و لا حتي عيال
فوق راسه يشيل
والعزم قليل
محتاج شيال
وعيوب و ذنوب
مش راضي يتوب
و ذنوبه تلال
زلزال زلزال
هيدمر .. ناس
عمي الاستاذ
مليان إحساس
والشكل جميل
محتاج برواز
يا خساره ع الناس
وعيون الناس
ف الليل سهران
علي لمبة جاز
وكلام ماهوس
والدنيا دروس
زي ... الالغاز
عمي الاستاذ
دايما محتاس
مش لائي مداس
محتاج إعجاز
عامل ارجوز
علي حبة موز
بيلف يمين
ويلف شمال
علي كام ملطوش
يلبس طربوش
ويبات مرووش
مش لائي قروش
والست ...... منار
عملت ....... منظار
والكشف ...... كبير
ومولع ........ نار
حتي ...... الدكتور
عايش ف الدور
شغال ....... جزار
وتبيع ......... الدار
علي ميت مشوار
يا خساره ع الناس
عمي الاستاذ
دايما .... محتاس
علطول مهموم
غرقان ف هموم
وصاحبنا البيه
مش لائي جنيه
واقف ....... محتاس
مش لائي الغاز
والاكل ...... يبوظ
والدنيا ...... حظوظ
والست ... دلال
بتقول ..... موال
والبنت .... حنان
جلها ... العرسان
من كل مكان
محتاجه ..... جهاز
وابوها ........ فقير
مش لائي مداس
مليان ... ترقيع
ورصاص و إزاز
والحَر ...... فظيع
واليوم ..... هيضيع
والواد ....... شفتوره
متصور .... صوره
لابس ..... قفاز
موجود ف النادي
مع ميمي وشادي
وسرير .... هزاز
قدامه ...... التاب
وفلوس وحساب
ف البنك كتير
نازل ..... تبزير
بيصب ف بيير
والبدله ....... حرير
والباشا ........ كبير
حواليه .... حراس
يا خساره ع الناس
كله .... بينداس
من غير إحساس

********

بقلم / طه إبراهيم