علي الارض قاعدة وفي النراب
بمسح جزم وعاشقة الكتاب
غاوية العلام ضرب وحساب
والفقر صعب ومات الضمير
لما تموت الانسانيه
ولما يزيد فينا الالم
لما الحنان يكون آسيه
وتسيل دموعنا ع الجزم
قول يا ضمير يا ميت
امتي ح ترجع للقلوب
امتي نفوق م الغمه
قبل ما تكتر الذنوب
مدرستي فيها استاذ كبير
مسعور علي كلمة فلوس
الامر اصبح شيء خطير
كل التعليم اصبح دروس
علشان كدا بمسح جزم
ليها حق تتعب النفوس
لما الغني بيجزمتة
علي الفقير فينا يدوس
علشان كدا يمسح جزم
---بقلم-- محمود فرج--
ليست هناك تعليقات:
إرسال تعليق