*******************
لما ينده عليك الوطن ياللا
قوم معاه
أوعى يستناك في يوم ينتظر
وأنت استناه
الوطن ضحى وعاش أبدا ليك
وبناك ثراه
لما يسأل يوم عليك أنت اسأل
خليك وراه
الوطن غالي يابني مش رخيص
الروح فداه
أوعاك تنتظر في يوم صرخته
حس بيها جواه
كون على الجبهة وزود عنه
واحمي حماه
الوطن جوانا يسكن شئ أكيد
وفيك صباه
لو مس يوم تربته غدار غاصب
هز القناة
أوعى عنه تسكت أو تستكين
أو ترضى واذلاه
مصر من زمان ظنوها تسكت
وترضى القضاة
ظنوها سايبة للرايح واللي جاي
نسيوها أرض الله
فيها العصا هزت عروش الظلم
وحكم الإله
فيها المسيح باركها في الملكوت
وطهر خطاه
ووصفها النبي وبحديثه حياها وقال
خيرجند الله
وعلى مر الزمان يشهد التاريخ
كم صدت عتاة
ترابها يشهد والكتاب مسطور أمجاد
قوم واقراه
وافتخر إن مصر وطنك وغني كمان
بسم الله
على الربابة حكينا ولسة هنحكي
موال الحياة
أم الدنيا خليك فاكرها وعيد ماضيها
إياك تنساه
........................بقلمي // يسري مطاوع
ليست هناك تعليقات:
إرسال تعليق