...............................
يا كل فرسان الحروف
الشعر ليه بتكتبوه ؟
مادمتوا ناويين تقتلوه
لما تقولوه بين الحيطان
يفيد بإيه أنده وقول
كلامي للشعرا العظام
مش برضوا هو دا النظام
أمسك في إيدي ميكرفون
وأفضل أنادي مش حرام
.................................................
صدقني مش راح يسمعوك
هو يعني حد فيهم جاى عشانك
كلهم جايين عشان الميكرفون
ولولا خوفهم م الكسوف
كانوا قالوا الكلمتين................
وبعدين سابوك
................................................
من عيوب فكر الصالون
إنه قعده لذيذه أخرها السكون
الشعر محتاج حد يفهم
حد يكتب حد يقرا
حد يلقي حد يسمع
حد محتاج نبرة الحق
اللي توجع ....................
مش حد جاى مستني دوره
وعشان يسقفلك تسقفله
وتقوله أبدع .................
جامل تجامل إن شالله
كداب أو بتخدع...........
بالزمه ينفع .......................
مش بقولك سيبوه وإرجع
قصدي قولك يابني إسمع
الشعر فرع من الادب
ومن الادب ....................
للناس يكون اللي إتكتب
الجهل زاد بين البشر
وإنتوا السبب................
حتى الدواوين اللي في دراجكم
قولها .....................................
ولا أنتوا فاكرين بكرا يمكن
هتبيعوها ................................
الناس خلاص مابقتش تقرا
إتعلموا من بعض عبره
في حد فيكم لحد فيكم
كان بيقرا ..............................
عيب عليكم دا إنتوا خبره
.............................................
عصام دويدار
ليست هناك تعليقات:
إرسال تعليق