أنتــى كنتـى فى حياتى
قصــة حــب وأنتهــت
أيــوه أنتهــت .......
بعد ما مليت فراقك
وكرهت كدبك وخداعك
كل شئ بينا أنتهى
أيوه خلاص أنتهى
بعد ما أنكشفت خياتك لىّ
نزل الستار على نهاية المسرحية
وأوعى لحظة تفكرى
أنى فى يوم تانى ح أرجع
أو حتى أندم ع اللى كان
لا ... مستحيل تانى أصالحك
ولا امسح دموعك زى زمان
وزى ما فارقتينى ح فارقك
وخلى عنادك ينفعك
وانا لو ندمت .....
ح اندم بس على عمرى اللى ضاع
وكل لحظة قضيتها معاكى عدم
ولو قاسيت أو دعيت فى يوم عليكى
أوعى تقولى أسفة ... غلطة وسماح
كرهت الحياة وانتى السبب
كرهت حروف أسمك
وكل اللى يجيب سيرتك
كرهت كل شئ فيه ملامحك
أبدا .... أنتى مش أنتى
ولا الصورة صورتك
حتى ملامح أتغيرت
يا خسارة ع الصورة اللى كانت بريئة
أتاريها مش حقيقة
صورة حلوة ع الورق
من غير روح متزوقة
يا خسارة .. خلص الكلام وانتهى
كتب الزمان علينا الفراق
رحلة سفر من غير رجوع
من غير وداع
مع السلامة
*****************************
كلمات الشاعر / سيـد الدابـى الأبنوبـى
حقوق الملكية والنشر مسجلة
ليست هناك تعليقات:
إرسال تعليق