قالوا بعض شباب الأيام دي
كلام لايجيب ولا بيودي
قالوا سيب البنت تحبك
حب البنت تسيبك
تلاعبها حطة يابطة
تستهواها ألاعيبك
تتنطط زي القطة
ودوغري تنط في جيبك
بعد ماترسم خطة
تيبها بيصبح تيبك
وتقولك أو للاه
ومامي وراس بباه
قال يعني أرستقراط
وإسمها قال إيه بوسي كات
ومهما إديتها ماتشبع
تاخد وتقول تاني هات
ولما ياحلو تفلس
تتريق وتألس
وريني عرض كتافك
يابخت إللي مايوم شافك
مد ف رجليك يامفلس
شبرين على قد لحافك
ياشباب الأيام ديا
بطلوا تفاهتكو شوية
البنت دي وردة جميلة
و أوراقها منديّة
وشوكها عمره مايجرح
إللي بيسقيها حنية
ياشباب الأيام ديا
ياشباب مالهومش هوية
راحت فين ياشبابنا
أخلاقنا المصرية
وفين شهامتكم راحت
راحت فين الفروسية
راحت زي ما راحت
بعد ريحتكو مافاحت
وخيبتكم على فطيرتكم
على نار الجهل وساحت
بقلم طارق السيد
ليست هناك تعليقات:
إرسال تعليق