!!!!!!!!!!!!!!!!!!!!!!!!!!!!!!!!!!
أناديك ربى فى كل ضيقة
أناديك ربى بألف طريقة
وقلبى بين كل الطرق
............. هو الأساس
ما إنت إلهى الرحيم
.......... وللعيون نبراس
___________
بحبك
وإنت معايا كريم
وبردو بحبك ..
ولوهزمنى اللئيم
بحبك
ف- نور الصباح
وف-قلب ضلام الليل
بحبك
حتى وأنا مش قادر
........... أشد الحيل
_____________
أصل الجسد منى ضعيف
......... وإنت الإله
والروح منى نشيط
..... وإنت كل رجاه
يارب أُملك على قلبى
وعقلى ونفسى
وعلى غير شطوطك
مراكبى ما ترسى
_____________
كل المياه ف- الكون
بطعم الملح
إلا مياه حبك ..
بتشفى فى قلوبنا الجرح
وجرح إبليس اللعين
يبدأ لو كرهنا الناس
خلينى أحب الجميع
وعنى إبعد الوسواس
_____________
يارب كلى ليك
أنا اللى ما ستاهل
إهدينى إنت برحمتك ..
وساعتها .. يمكن استاهل
الدنيا وخدانى
فى بحار كلها غفلة
شغلتلى قلبى
ومخى عمل قفلة
_____________
بس رجايا فيك
يا أرحم الراحمين
خلينى كلى ف-إيديك
بعيد عن الشياطين
وخلينى طول عمرى
عايش أحب الخير
وكل ما يرضيك
وأقبل ف- قلبى الغير
(¯`
v´¯)
`·.¸.·´
¸.·´¸.·¨) ¸.·¨)
(¸.·´ (¸.·´ (¸.·¨¯`? .
~? محمد ? البكرى ?
ليست هناك تعليقات:
إرسال تعليق