............................
لما امي كانت لسه عايشه
كانت بتمسكني من ايديا
توريني الدنيا من حواليا
ولما كنت ابعد عنها
تجري وتفضل تحضن فيه
....................................
تقولي ياابني انت ابني
انت صلبي في الدنيا
من بعد اخويا وامي وابويا
انت الباقي بعد ربنا بدنيتي ديه
..........................................
بقيت اسمع منها واجري والعب
واقول لنفسي سيبك منها
ولما كنت في يوم اتعب
تفضل سهرانه بالدوا ليه
..................................
لسه فاكرك وانتي شابه
وانا اجري منك واستخبه
وانتي بتجري ورايه حبه حبه
علشان كنتي خايفه عليه
.....................................
قوليلي يا امي ايه حصلك
هو المرض اخد من سنك
صبحت تجاعيد وشك
زي سحابه مقطبه من غير ميه
.................................................
ياامي ليه ضهرك حني
من كتر الآلم واتحني
من حرارة الآه تقولها
تخلي الحديد ينتني
وانا واقف ولا بايديه
...................................
امد ايدي وامسح دمعتها
واقولها اصبري ربك يفرجها
هو اللي قادر يشفيكي
والضحكه ترجع مضويه
..........................................
ردت عليا بصوت موجوع
وعنيها رقرقت بالدموع
خلاص ياابني متشلشي همي
انا رايحه بصحبة خير البريه
..........................................
واتوقف النبض ودي اخر كلمتها
ياابني انا ماشيه..........
واوعاك في يوم تقطع بيه
....................................
قصة وفاء من غير نهايه
ينكتب عنه مليون روايه
من روايه لروايه البدايه تختلف
لكن النهايه هيا هيا...........هيا هيا
الله يرحمك يا امي
الشاعر / على سالم
ليست هناك تعليقات:
إرسال تعليق