.............
هفاجئك
وحياة
قلبي الي
حبك
هفاجئك
هاجيلك
لغاية عندك
واحكيلك
علي جرالي في بعدك
مش هحكيلك
غير وانت في حضني
واخليك
تسمع اهات قلبي
في نبضي
و
تمسح دموع
عيني
بيدك
هفاجئك
بس خلي ف علمك
قد ما قلبي حانن لك
وف كل الاحلام راسملك
صوره
بلون ورود خدك
وحياة الشوق
وحياتي عندك
ما تقابلنيش
غير وانت بتضحك
علشان
من ضحكتك افرح
واضحك
بس خلي ف علمك
حالف اقرالك كفك
والمس كفك
بشوق
ما حستوش عمرك
شوق القلب
الي وحشاه ملامحك
وانت ما فيش
في حسنك
وحياة الشوق
والحنيه
الي ف قلبك
ما تفا تحنيش
في الماضي
وانا مش راح افاتحك
و
طيب خاطري
واطيب خاطرك
وتوعدني
تقولي واقولك
حبيت الدنيا
عشان خاطرك
و في جمالك هسرح
اروح بلاد
بعاد
وارجع
واملي عيني
من حسنك
واعرف قد ايه
وحشتك
واياك تزعل
لما غازلك
قدام اهلك
واضحك
واقولك
ان كان عجبك
حتي ان قولتلي
ما انتش ف حالتك
ولا قالولي اهلك
ايه الي صابك
ايه الي جرا لعقلك
واضحك
وحياة
قلبي الي حبك
هفاجئك
..........
علاء زايد
ليست هناك تعليقات:
إرسال تعليق