كلام من رصاص للشاعر حب صابح

حب صابح
كل يوم الصبح برفع راية استسلام
فى حبك رايه بيضه زى قلبك مش كلام
راية استسلام حقيقى
يا لى حبك بل ريقى
خلى عقلى يشت منى
توه الخطوة فى طريقى
حبى ليكى حب صابح
خالى من كل الشوائب
حب فيه سكر فيه رحيق الشهد دايب
اصل قلبى بجد خايب
حبى ليكى حب دافى
حب صافى صافى خالص
من جميع الشك خالص
وانتى ليه حبك لشخصى
حب منزوع الدسم
حب ليه معجون بنيله وفقر دم
دحبى ليكى مرفوع المعانى كلها
ومافيهش نصب
وانتى حبك ليه حاسس انه غصب
انتى حبك مابيرضيش طموحى
حب ما بيشفيش جروحى
انا حبى يا حبيبتى
زى نور الصبح
لما ينطق الفجر بادانه
زى ريحة الفل لما فتح الورد فى اوانه
ليه رسمانى حاجه ما تسويش حبر الكتابه
انتى حبك جوة قلبى فرحه فى قلوب الغلابه
حبى ليكى زى عود اخضر ونادى
زى ميه بتروى فى غيط شراقى
زى نبته فى حضن نخله
زى شربة ميه صافيه
تسرى جوايا ف عروقى
اة لو اوصف حبى ليكى
قبل ما يخلص كلامى
اة يا روحى لو تنامى
جوة قلبى وترحمينى
ارحمينى لاجل ما نوفر كلامنا عالورق
يالا مدى ايديكى ليه
وانقدينى من الغرق